Dongeng Kabayan Ngala Tutut, Kalah Cimunuk Sieun ku Kalangkang Langit

Ari mitohana di dapur imahna nunungguan minantuna. Ngariung tiluan jeung Ambu katut anak hiji-hijina Nyi Iteung pamajikan Kabayan.

BACA JUGA:ATR 72 Pesawat yang Digadang-gadang untuk Penerbangan Rute Perjalanan Tasik-Jakarta, Digunakan di Negara Ini?

Abah ngahaja nitah minantuna ngala tutut. Poe eta manehna hayang dahar jeung sayur tutut dikuah koneng. Make cengek disiksikan. 

Kacipta nikmatna dikuah jeung sangu akeul anu pulen.

“Naha Kabayan can jebul wae. Pira oge ka sawah ngala tutut lila-lila teuing,” pok Abah ka Nyi Iteung.

“Kamana atuh Kabayan teh. Teu beunang didagoan ieu jelema. Geus rek beurang jeung lapar deuih,” Abah ayeuna mah satengah kukulutus.

“Teu acan beres panginten Abah,” Nyi Iteung pamajikan Kabayan mairan mela salakina.

“Dasar pangedulan Kabayan mah. Kudu disusul bisi sare deui geura,” ceuk Abah bari ngolesed kaluar ti dapur.

Gidig muru ka sawah lengkahna panjang-panjang. Hayang gancang nepi.

“Abah maneh mah tara sabaran. Padahal tungguan we da bakal ngurunyung mulang,” Ambo ngagerendeng bari ngasur-ngasur suluh kana hawu.

“Muhun Ambu,” Nyi Iteung mairan ka indungna.

Di sisi galengan sawah, Kabayan kajongjonan. Ngaguher sare deui. Diharudum sarung meni nikmat kacirina.

Panon poe nu mimiti moncorong. Kabayan asa dihaneutan. Keur puguh mah mun geus tunduh teh pelor alias nempel langsung molor Kabayan mah.

Ti kajauhan ngungkuh Abah ka arah sawah. Abah heran teu kaciri aya Kabayan keur ngala tutut. Ari ember jeung ayakan aya dina galeng.

Pikir Abah meureun geus beres ngala tututna. Bari terus ngagidig nyampeurkeun ember.

Sumber: